Peb ib tsoom hmoob sawv daws nco qab ntsoov hais tias peb ua ib tiam neej nyob xwb, thov kom peb txhua leej txhua tus yuav tsum tau sib hlub sib hwm mog. Lwm tiam yuav tsis muaj lawm. Tiam no ces yuav sib hlub ces sib hlub mog.
Nyob rau lub ntuj tiam no, peb tsuas muaj ib txoj sia los ua neeg nyob xwb. Yog peb tsis paub sib hlub sib txhawb ces yuav tsis muaj nuj nqi dabtsi li os mog kuv me ib tsoom hmoob zoo. Peb tsis rov qab hlub peb tsev me neeg hmoob ces, yuav tsis muaj leej twg yuav los mus cev tes los hlub peb lawm.
Peb txiv vaj pao tau tso peb tsoom hmoob tseg lawm es yuav tsis muaj ib tus zoo li nws yuav los mus seb peb los mus hlub peb lawm os kuv ib tsoom me hmoob. Es tig los hlub peb haiv me hmoob ntsuag no mog.
Peb ua neeg nyob yuav tsum muaj txoj kev sib zam es qhov no thiaj li yuav yog ib qhov uas zoo los ntawm peb lub me siab mog. Tus phem tus zoo los peb yog neeg ib yam. Yog koj mloog kuv hais, kuv hais koj yuav. Koj pab kuv, kuv txhawb koj, ces yeej yuav zoo xwb os mog kuv ib tsoom me hmoob kwv tij neej tsav.
Vam thiab cia siab hais tias muaj ib hnub twg peb haiv neeg hmoob yuav muaj teb muaj chaw nrog luag. Ua tsaug ntau!
